अंकित शर्मा हत्येप्रकरणी आणखी पाच अटकेत

नवी दिल्ली - ईशान्य दिल्लीत मागील महिन्यात झालेल्या दंगलीत आयबी कर्मचारी अंकित शर्माच्या हत्येप्रकरणी दिल्ली पोलिसांनी आणखी पाच जणांना अटक केली आहे. त्यापैकी फिरोज, जावेद, गुलफाम, शोएब यांना चांदबाग येथून, तर अनस याला मुस्तफाबाद येथून अटक करण्यात आली आहे. 
पोलिसांनी दिलेल्या माहितीनुसार, सीसीटीव्ही फुटेज तसेच प्रत्यक्षदर्शी व स्थानिकांनी दिलेल्या माहितीच्या माध्यमातून आरोपींची ओळख पटविली आहे. आणखी दोन संशयितांची छायाचित्रे तयार केली असून सध्या फरार असलेल्या आणखी चार-पाच पुरुषांची ओळख पटली आहे. त्यांना अटक करण्यासाठी प्रयत्न सुरू असल्याचेही पोलिसांनी सांगितले. दिल्लीत दंगली भडकल्यानंतर २७ फेब्रुवारी रोजी अंकित शर्मा यांचा मृतदेह चांदबाग येथील त्यांच्या घराजवळील एका नाल्यात आढळून आला होता. शर्मा यांच्या हत्येप्रकरणी माजी नगरसेवक ताहिर हुसेन याचीही चौकशी सुरू असल्याचे पोलिसांनी सांगितले.
Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget