माकडांवर होणार कोरोना लसची चाचणी - वनमंत्री संजय राठोड

यवतमाळ - कोरोना विषाणूमुळे होत असलेला प्रादुर्भाव टाळण्यासाठी SARS COV- 2 ही लस तात्काळ विकसीत करण्यासाठी संशोधन हाती घेण्यात आले आहे. या संशोधन प्रकल्पासाठी पुण्याच्या राष्ट्रीय विषाणू संस्थेला ३० माकडांची आवश्यकता आहे. ही ३० माकडे राज्याच्या हद्दितील देण्यात येणार असून कोरोना प्रतिबंधात्मक लसचा सर्वप्रथम प्रयोग या माकडांवर करण्यात येणार आहे.
सध्या देशात,राज्यात कोरोना विषाणुमुळे होत असलेला प्रादुर्भाव आणि परिस्थितीचे गांभीर्य लक्षात घेता या प्रकल्पास तातडीने परवानगी देण्याबाबत राज्याचे प्रधान मुख्य वनसंरक्षक (वन्यजीव) यांनी ३० मे २०२० रोजीच्या पत्रान्वये शासनास मान्यता देण्याची शिफारस केली आहे. त्यानुसार ही माकडे तात्काळ उपलब्ध करून देण्याचे निर्देश वनमंत्री संजय राठोड यांनी दिले आहे.
याप्रकरणी अनुभवी मनुष्यबळामार्फत या माकडांना पकडणे, त्यांना कुशलतेने हाताळणे, त्यांना सुरक्षितपणे बाळगणे, पकडलेल्या माकडांना तसेच परिसरातील इतर वन्यप्राण्यांना इजा तसेच त्यांचा दैनंदिन जीवनक्रम विस्कळीत न होऊ देणे, प्रकल्पाचा व्यापारी तत्वावर उपयोग न करणे आदी अटी शर्तींच्या अधीन राहून ही मान्यता देण्यात आली आहे.
कोरोनावर मात करण्यासाठी जगभरातील शेकडो वैज्ञानिक लस तयार करण्याचा कामाला लागले आहेत. याआधी इस्त्रायल देशाने लस विकसित केल्याचा दावा केला होता. तर ब्रिटनच्या ऑक्सफर्ड विद्यापीठातील जेनर इन्सिट्यूटने लस विकसित केल्याचा दावा केला आहे.
ब्रिटनच्या ऑक्सफर्ड विद्यापीठाच्या वैज्ञानिकांनी लसीची चाचणी छोट्या माकडांवर केली आहे. माकडांवर या लसीचा सकारात्मक परिणाम बघायला मिळाल्याची माहिती संशोधकांनी दिली होती. याशिवाय या लसीचा मानवी प्रयोग लवकरच केला जाईल, असेदेखील संशोधकांकडून सांगण्यात आले होते.
Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget