बलात्काराचा आरोप: पोलीस निरीक्षक हसबनीस फरार

सांगली - स्पर्धा परीक्षेच्या मार्गदर्शनाचे आमिष दाखवून तरुणीवर बलात्कार केल्याप्रकरणी गुन्हा दाखल झालेला कडेगाव पोलीस ठाण्यातील पोलीस निरीक्षक विपीन हसबनीस याच्यावर विशेष पोलिस महानिरीक्षकांनी निलंबनाची कारवाई केली. गुन्हा दाखल होताच हसबनीस पसार झाला आहे. गुन्हा दाखल होऊन नऊ दिवस उलटले तरी, अजून त्याला अटक झाली नसल्याने पोलिसांच्या तपासाबाबत शंका व्यक्त केली जात आहे. 
पोलिस निरीक्षक विपीन हसबनीस हे वर्षभरापूर्वीच कडेगाव पोलीस ठाण्यात बदली होऊन आले आहेत. लॉकडाऊनच्या काळात कारने कोल्हापुरातून कराडच्या दिशेने जाताना त्यांना कासेगाव बस स्थानकाजवळ वाहनाच्या प्रतीक्षेत थांबलेली तरुणी आढळली. हसबनीस यांनी तरुणीला कराडपर्यंत लिफ्ट दिली. प्रवासादरम्यान तिचा मोबाइल नंबर घेतला. ती स्पर्धा परीक्षांचा अभ्यास करीत असल्याने तिला अभ्यासात मदतीचे आमिष दाखवले. यानंतर वारंवार फोन करून कडेगाव येथील घरी बोलवून तिच्यावर बलात्कार केल्याचा उल्लेख पीडित तरुणीने फिर्यादीत केला आहे. हा प्रकार एप्रिल ते जुलै दरम्यान घडला. याबाबत कोणाला सांगितल्यास किंवा पोलिसात तक्रार केल्यास मी आत्महत्या करेन, अशी धमकीही हसबनीस याने पीडितेला दिली होती.
पोलीस अधीक्षक सुहेल शर्मा यांनी या गुन्ह्याचा तपास पोलीस उपअधीक्षक पिंगळे यांच्याकडे दिला आहे. गुन्हा दाखल होऊन नऊ दिवस उलटले तरी अजूनही संशयित हसबनीस याला अटक करण्यात आली नसल्याने पोलिसांच्या कार्यपद्धतीबद्दल प्रश्न उपस्थित केले जात आहेत. कोल्हापूर परिक्षेत्राचे विशेष पोलिस महानिरीक्षक डॉ. सुहास वारके यांनी संशयित हसबनीस यांच्यावर निलंबनाची कारवाई केली आहे.
या गुन्ह्याच्या तपासामध्ये घटनास्थळावरील पंचनामा, महत्त्वाच्या साक्षीदारांचे जबाब घेण्यात आले आहेत. तसेच फिर्यादी पीडित तरुणीचा न्यायालयासमोर जबाब नोंदवण्यात आला आहे, अशी माहिती उपअधीक्षक पिंगळे यांनी दिली. संशयित निलंबित पोलिस निरीक्षक हसबनीस याच्या अटकेसाठी दोन पथके तैनात केल्याचीही माहिती उपअधीक्षक पिंगळे यांनी दिली.
Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget