लॉकडाऊननंतर लालपरी सज्ज ; पर्यटन व धार्मिक स्थळांसाठी विशेष गाड्या

बारामती - लॉकडाऊननंतर लाल परीने आता हळूहळू व्यवसाय वाढविण्याच्या दृष्टीने पाऊले टाकण्यास सुरुवात केली आहे. बारामती आगारातून पर्यटन व धार्मिक स्थळांसाठी विशेष गाड्या सुरू करण्यात आल्या आहेत. या गाड्यांमधून एसटीचे उत्पन्न वाढेल अशी अपेक्षा पुणे विभागाचे नियंत्रक रमाकांत गायकवाड यांनी व्यक्त केली.प्रवाशांच्या सोयीसाठी आता बारामती आगारातून कोकण दर्शन, अष्टविनायक दर्शन, गाणगापूर दर्शनासाठी डिसेंबरअखेर गाड्या सुरू होणार आहेत. बारामती आगारातून कोकण दर्शन या मार्गावर प्रवाशांच्या सोयीसाठी सध्या साधी बस सुरू करण्यात आली आहे. ही बस बारामती आगारातून सकाळी सात वाजता सुटून रात्री अकराला परतणार आहे. ही बस कोयना नगर डॅम गार्डन, डेरवन, संगमेश्वर, गणपतीपुळे, रत्नागिरी थिबा पॅलेस, सुरूबन बीच, भगवती किल्ला, मारलेश्वर आदी पर्यटन स्थळांना भेटी देणार आहे. २६ डिसेंबरपासून ही बस सेवा सुरू होणार असून प्रती प्रवासी १ हजार २० रुपये भाडे आकारण्यात येणार आहे

Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget