सैन्य भरती घोटाळ्याप्रकरणी सीबीआयकडून गुन्हा दाखल

नवी दिल्ली - भारतीय सैन्यामध्ये भरती घोटाळा झाल्या प्रकरणी केंद्रीय तपास संस्थेने (सीबीआय) गुन्हा दाखल केला आहे. तब्बल ३ दशकांनंतर पहिल्यांदाच सैन्यातील भ्रष्टाचारप्रकरणी सैन्याशिवाय बाहेरची संस्था तपास करत आहे. सैन्यानेच हे प्रकरण सीबीआयकडे सोपवल्याने नक्कीच या प्रकरणात अनेक मोठे मासे गुंतल्याचा अंदाज वर्तवला जात आहे. या प्रकरणातील मुख्य सूत्रधारांमध्ये सैन्यातील एक कर्नलही असल्याचा आरोप आहे. सीबीआयने दाखल गेलेल्या एफआयआरमध्ये संबंधित कर्नललाही आरोपी करण्यात आले आहे.भारतीय सैन्य भरतीत याआधी गैरप्रकार घडले नाहीत असंही नाही. याआधीही अनेकदा अशाप्रकारचे भ्रष्टाचाराचे आरोप होत आले आहेत. मात्र, त्या त्या वेळी सैन्याने अंतर्गत विषय असल्याचे सांगत याचा तपास सीबीआयकडे सोपावणे टाळले. यामागे सैन्यातील बडे अधिकाऱ्यांना वाचवण्याचा हेतू असल्याचेही आरोप झाले. त्यामुळेच अशा प्रकरणांची विभागीय चौकशी करुन समिती तयार करण्यात येई आणि नंतर हे प्रकरण बंद करण्यात येई.अखेरीस कनिष्ठ स्तरातील दोन ते चार कर्मचाऱ्यांवर कारवाई करुन हे प्रकरण दडपले जायचे. यावेळी मात्र भारतीय सैन्याला पाणी डोक्यावरुन जात असल्याची जाणीव झाली आणि भरती घोटाळ्याची चौकशी सीबीआयकडे सोपवण्यात आली. विशेष म्हणजे सुरुवातीला या प्रकरणात देखील काही वरिष्ठ सैन्य अधिकाऱ्यांनी हे प्रकरण सीबीआयकडे देण्यास विरोध करत अंतर्गत समितीकडून चौकशी करण्याची मागणी लावून धरली. मात्र, या प्रकरणाचे गांभीर्य पाहता थेट संरक्षण मंत्रालयाच्या स्तरावरुन हे प्रकरण सीबीआयकडे देण्याचे आदेश देण्यात आले.या संपूर्ण प्रकरणातील विशेष गोष्ट म्हणजे सीबीआय कोणत्याही प्रकरणात गुन्हा दाखल करताना एफआयआरमध्ये आरोपींची नावे उघड करत नाही. त्यानंतर वेगवेगळ्या टप्प्यांवर आवश्यकतेनुसार आरोपींची नाव यात टाकली जातात. सैन्य भरती घोटाळ्यातील एफआयआरमध्ये मात्र यातील संशयितांची थेट नाव टाकण्यात आली आहेत. यात वरिष्ठ अधिकाऱ्यांच्या नावांचाही समावेश आहे. त्यामुळे वरिष्ठ स्तरावरुन झालेल्या या भरती घोटाळ्याची अनेक गुपित उघड होणार असल्याचे कळते. यानुसार या प्रकरणात फक्त दलालच नाही तर लष्करी अधिकारी-कर्मचारी, अधिकाऱ्यांचे कुटुंबीय आणि इतर नातेवाईक यांचाही पर्दाफाश होण्याची शक्यता आहे.सीबीआयच्या सूत्रांनी दिलेल्या माहितीनुसार, लष्कराचा कर्नल या घोटाळ्याचा मुख्य सूत्रधार आहे. त्याचा एक व्हिडीओही व्हायरल झाला आहे. या व्हिडीओमध्ये संशयित कर्नल दिल्ली कॅन्टमधील बेस हॉस्पिटलमधील सैन्य सुभेदारांकडून एक संशयास्पद पॅकेट घेताना दिसत आहे. या सुभेदाराचा मोबाईल फोनही सीबीआयने जप्त केला. याशिवाय कर्नलचा लॅपटॉपही जप्त करण्यात आला.

बेंगळुरूच्या आर्मी सर्व्हिस कॅम्पच्या सार्जंटने गेल्या वर्षी डिसेंबरमध्ये आपल्या मुलाला गैरप्रकारे उत्तीर्ण केले. यात एनडीए आणि एसएसबीच्या काही अधिकारी-कर्मचार्‍यांची भूमिकाही संशयास्पद आहे. आतापर्यंत केलेल्या तपासणीत असेही सत्य समोर आले आहे की, भरती घोटाळ्यात अडकलेले अधिकारी, कर्मचारी आणि दलाल निर्भयपणे ऑनलाइन लाच रक्कम स्वीकारत होते. सीबीआय त्या दिशेनेही चौकशी करत आहे. या भरती घोटाळ्यात सैन्यातील दलाल, अधिकारी-कर्मचारी सापडणार आहेत. त्याचबरोबर त्यांचे सर्व नातेवाईक-घरातील सदस्यही अडकणार आहेत.

Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget