खासगी रुग्णालये आणि हॉटेलांचे व्हॅक्सिनेशन पॅकेज ; केंद्राने दिले कारवाईचे आदेश

नवी दिल्ली - एकीकडे देशात व्हॅक्सिनचा तुटवडा असल्याने अनेक राज्यात धीम्यागतीने व्हॅक्सिनेशन सुरू आहे. अशातच काही खासगी रुग्णालयांनी हॉटेलांशी हात मिळवणी करून व्हॅक्सिनेशनचा (लसीकरण) धंदा सुरू केला आहे. या खासगी रुग्णालयांनी हॉटेलांशी संगनमत करून व्हॅक्सिनेशन पॅकेज द्यायला सुरुवात केली आहे. त्यामुळे केंद्र सरकारने अशा रुग्णालये आणि हॉटेलांवर त्वरीत कारवाई करण्याचे आदेश राज्य सरकारांना दिले आहेत.काही रुग्णालये आणि हॉटेल एकत्र मिळून व्हॅक्सिनेशन पॅकेज देत आहेत. सरकारने घालून दिलेल्या गाईडलाईनचे हे उल्लंघन आहे. त्यामुळे केंद्र सरकारने राज्य सरकार आणि केंद्रशासित प्रदेशांना पत्र लिहून ही रुग्णालये आणि हॉटेल्सवर कारवाई करण्याचे निर्देश दिले आहेत. हा प्रकार तात्काळ बंद झाला पाहिजे, असे या चिठ्ठीतून नमूद करण्यात आले आहे. तसेच संबंधितांवर कारवाई करण्याच्या सूचनाही देण्यात आल्या आहेत.सरकारने लसीकरणासाठी मार्गदर्शक सूचना जारी केल्या आहेत. त्यात लसीकरणासाठी केवळ चार पर्याय दिले आहेत. त्यानुसार सरकारी कोविड व्हॅक्सिनेशन सेंटर, सरकारी रुग्णालयांद्वारे चालणारे खासगी कोविड व्हॅक्सिनेशन सेंटर आणि सरकारी रुग्णालयात व्हॅक्सिनेशन केले जात आहे. तसेच खासगी रुग्णालयांद्वारे सरकारी कार्यालयात व्हॅक्सिनेशन सेंटर सुरू करण्यास परवानगी देण्यात आली आहे. बुजुर्ग आणि दिव्यांगांसाठी ग्रुप हौसिंग सोसायटीत, आरडब्ल्यूए कार्यालय, कम्युनिटी सेंटर, पंचातय भवन आणि शाळा-महाविद्यालयात व्हॅक्सिनेशन सेंटर सुरू करण्यास परवानगी देण्यात आली आहे.


Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget