कामोठ्यात व्यावसायिकावर गोळीबार ; गुन्हा दाखल

नवी मुंबई - हळदीच्या कार्यक्रमात नाचताना धक्का लागल्याच्या वादातून चौघांनी कामोठे गावातील वीटभट्टी व्यावसायिकावर पिस्तूलने गोळीबार करून त्याला जीवे ठार मारण्याचा प्रयत्न केल्याची घटना गुरुवारी पहाटे कामोठे गावात घडली. वीटभट्टी व्यावसायिकाला गोळी न लागल्याने तो बचावला. कामोठे पोलिसांनी गोळीबार करणाऱ्या प्रशांत भगतसह त्याच्या तिघा सहकाऱ्यांवर गुन्हा दाखल करून त्यांचा शोध सुरू केला आहे.कामोठे गावात राहणारे सुजीत म्हात्रे हे मोठा खांदा गावातील संजय पाटील यांच्या मुलीच्या हळदीच्या कार्यक्रमासाठी गेले होते. यावेळी नाचत असताना सुजीतचा धक्का कामोठे गावातील कुशल भगत याला लागला. त्यामुळे सुजीत व कुशल या दोघांमध्ये बाचाबाची होऊन झटापटी झाली. त्यानंतर कुशलने भाऊ प्रशांत भगत उर्फ बाबू उर्फ साहिल याला फोन करून बोलावून घेतले. त्यानुसार प्रशांत भगत, सुशांत भगत व त्यांचा साथीदार पिस्तूल व चॉपर घेऊन आल्यानंतर पहाटे तीनच्या सुमारास सुजीत घरी जाण्यासाठी निघाला. त्यामुळे कुशल, प्रशांत, सुशांत व त्यांचा चौथा साथीदार हे चौघे सुजीतचा पाठलाग करत कामोठे गावातील त्याच्या घराजवळ गले. त्यानंतर प्रशांतने त्याच्याकडील पिस्तूलने हवेत दोन गोळ्या झाडून सुजीतला शिवीगाळ केली. त्यामुळे सुजीत व त्याचा भाऊ दोघे घरातून बाहेर आल्यानंतर प्रशांतने सुजीतच्या दिशेने गोळी झाडली, मात्र ती त्याला लागली नाही. त्यानंतर प्रशांतने त्याच्या दिशेने आणखी एक गोळी झाडली, मात्र ती गोळी उडाली नाही. त्यामुळे सुजीत व त्याच्या भावाने पळ काढला. नंतर चौघा हल्लेखोरांनीही पलायन केले. त्यानंतर सुजीतने कामोठे पोलिस ठाण्यात तक्रार केली. त्यानुसार पोलिसांनी कुशल, प्रशांत, सुशांत व त्यांचा चौथा साथीदार या चौघांवर गुन्हा दाखल केला आहे. आरोपी प्रशांत भगत उर्फ बाबू हा सराईत गुन्हेगार असून त्याच्यावर पोलिस ठाण्यांत अनेक गुन्हे दाखल आहेत.

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget