नेरुळमध्ये पाण्याच्या टाकीत सापडला मुलाचा मृतदेह

नेरुळ - पामबीच मार्गालगतच्या झुडपांमध्ये शुक्रवारी सायंकाळच्या सुमारास एका अज्ञात मुलाचा मृतदेह पाण्याच्या टाकीत कुजलेल्या अवस्थेत आढळून आल्याने एकच खळबळ उडाली आहे. या मुलाची हत्या केल्यानंतर त्याचा मृतदेह पाण्याच्या टाकीतून या ठिकाणी टाकून देण्यात आला असावा, अशी शक्यता वर्तविण्यात येत आहे. नेरुळ पोलीस ठाण्यात याप्रकरणी हत्येचा गुन्हा दाखल करण्यात आला आहे. तसेच या घटनेतील मुलाची ओळख पटविण्यासाठी पोलिसांनी प्रयत्न सुरू केले आहेत.पामबीच मार्गावरील नेरुळ येथील खाडी भागात झुडपांमध्ये हा मृतदेह आढळून आला. काही व्यक्तींनी याबाबतची माहिती पोलिसांना दिल्यानंतर नेरुळ व सानापाडा या दोन्ही पोलिस ठाण्याच्या पोलिसांनी घटनास्थळी धाव घेतली. त्या ठिकाणी १० ते १२ वयोगटातील मुलाचा मृतदेह एका चादरीमध्ये बांधून तो पाण्याच्या टाकीत कोंबण्यात आल्याचे दिसले. त्यावर उशी लावून सदर टाकी रस्सीने बांधून झुडपामध्ये टाकून देण्यात आली होती. या मुलाची हत्या पाच-सहा दिवसांपूर्वी करण्यात आली असावी अशी शक्यता वर्तविली जात आहे. पोलिसांनी मृतदेह ताब्यात घेऊन तो शवविच्छेदनासाठी पाठवून दिला आहे. शवविच्छेदनानंतरच मृत्यूमागचे कारण स्पष्ट होणार असल्याचे परिमंडळ-१ चे पोलीस उपआयुक्त सुरेश मेंगडे यांनी सांगितले. गुन्हेगाराचा शोध घेण्यासाठी पोलिसांनी पामबीच मार्गावरील सीसीटीव्ही फुटेजची तपासणी करण्यास सुरुवात केली आहे.

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget