सागरी किनारा मार्गावरील गिरणी कामगारांच्या घरांवर हातोडा

मुंबई - दक्षिण मुंबईमधून जलदगतीने पश्चिम उपनगरांमध्ये पोहोचण्यासाठी उभारण्यात येत असलेल्या सागरी किनारा मार्गावरील एका जोडपुलाआड येत असलेल्या १७ गिरणी कामगारांच्या घरांवर बुलडोझर फिरविण्याची तयारी पालिकेने सुरू केली आहे. या जोडपुलामुळे महालक्ष्मी येथील मॉडर्न मिल कम्पाऊंडमधील सातपैकी एक चाळ काळाच्या पडद्याआड जाण्याची चिन्हे आहेत. दक्षिण मुंबईमधील वाहतूक कोंडीचा प्रश्न सोडविण्यासाठी काळबादेवी येथील प्रिन्सेस स्ट्रीट ते कांदिवली दरम्यान सागरी किनारा मार्ग प्रकल्प उभारण्यात येत आहे. मुख्यमंत्री उद्धव ठाकरे यांचा हा महत्त्वाकांक्षी प्रकल्प आहे. प्रिन्सेस स्ट्रीट ते वरळी-वांद्रे सागरीसेतूदरम्यान पहिल्या टप्प्यातील मार्गाच्या उभारणीचे काम मुंबई महापालिकेने सुरू केले आहे. या मार्गावरून काही जोडरस्ते शहरातील विविध भागांमध्ये जाणार आहेत. त्यासाठी पुलांची उभारणी करण्यात येणार आहे. महालक्ष्मी परिसरातील सात रस्त्यानजिक प्रस्तावित पूल सागरी किनारा मार्गाला जोडण्यात येणार आहे. हा पूल केशवराव खाडय़े मार्गावरून जात आहे. या मार्गावरील मॉडर्न मिल कम्पाऊंडमधील १७ कुटुंबीयांची एक चाळ पुलाला अडथळा बनली आहे. त्यामुळे पालिकेने या चाळीला नोटीस बजावली आहे.ब्रिटिश काळातील पूर्वाश्रमीच्या गार्डन मिलमधील कामगारांच्या वास्तव्यासाठी बोमेनजी पपेटी यांनी महालक्ष्मी परिसरात बैठी घरे बांधली होती. येथे सहा चाळी १९०२ च्या सुमारास उभ्या राहिल्या. मिलमधील कामगारांची वाढती संख्या लक्षात घेऊन १९३० तेथेच एक दुमजली इमारतही बांधण्यात आली. या कामगार वसाहतींमध्ये १५६ कामगारांची कुटुंबे गेली अनेक वर्षे वास्तव्यास आहेत. मात्र आता सागरी किनारा मार्ग प्रकल्पामुळे १७ कुटुंबीय अडचणीत आले आहेत.गिरणी कामगारांच्या या वसाहतीचा पुनर्विकास करण्याचा मालकाचाही मानस आहे. मात्र आता सागरी किनारा मार्ग प्रकल्पासाठी जागा द्यावी लागणार आहे. एक अख्खी चाळ काळाच्या पडद्याआड जाण्याची चिन्हे असून १७ रहिवासी अस्वस्थ झाले आहेत. प्रकल्पग्रस्तांसाठी बांधलेल्या घरांमध्ये आपली व्यवस्था करण्यात येणार असल्याचे सांगण्यात आले. पण आम्हाला प्रकल्पग्रस्तांच्या घरात वास्तव्यास जायचे नाही. इतर कामगार कुटुंबीयांबरोबरच आम्हाला राहायचे आहे. मॉडर्न मिल कम्पाऊंडच्या भूखंडावरच संक्रमण शिबीर बांधून तेथे तात्पुरती वास्तव्याची व्यवस्था करावी, अशी मागणी त्यांनी केली.

Labels:

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget