वसईतील खासगी रुग्णालयाला महानगरपालिका वैद्यकीय विभागाने ठोकले कुलूप

विरार - वसई-विरार महानगरपालिका वैद्यकीय विभागाने एका खासगी रुग्णालयाची मान्यता रद्द करत रुग्णालयाला कुलूप ठोकले आहे. अशा पद्धतीने कारवाई करत बंद केलेले हे वसईतील पहिले रुग्णालय आहे.महानगरपालिकेच्या वैद्यकीय विभागाने वसई आनंदनगर परिसरातील ‘ब्रेथ केअर’ रुग्णालयावर ही कारवाई केली आहे. मागील अनेक महिन्यांपासून या रुग्णालयाच्या विरोधात येथील स्थानिक रहिवाशांच्या तक्रारी होत्या. या रुग्णालयात ‘नर्सिग होम’ च्या नावाखाली क्षयरोगाचे रुग्ण उपचारासाठी दाखल केले जात असल्याचा आरोप करण्यात आला होता. या संदर्भात राज्य आरोग्यमंत्री यांच्याकडे तक्रारी करण्यात आल्या. त्यानुसार आरोग्य विभागाने या रुग्णालयासंदर्भात चौकशी करून कारवाईच्या सूचना दिल्या होत्या. त्यानुसार वसई-विरार महानगरपालिका आयुक्तांनी वैद्यकीय विभागाला मान्यता रद्द करण्याचे आदेश दिले. त्यानुसार या रुग्णालयाची मान्यता रद्द करण्यात आली आहे. वैद्यकीय अधिकारी यांनी माहिती दिली की, या रुग्णालयाच्या संदर्भात अनेक तक्रारी प्राप्त झाल्या होत्या तसेच या रुग्णालयाकडे स्थानिक रहिवासी संकुलाचा ना हरकत दाखला नव्हता, या रुग्णालयाचे अग्निसुरक्षा चाचणी प्रमाणपत्र उपलब्ध नव्हते. तसेच नागरिकांच्या सततच्या तक्रारी असल्याने आयुक्तांच्या आदेशानुसार या रुग्णालयाची मान्यता रद्द करण्यात आली आहे.  दरम्यान,रुग्णालयाची मान्यता रद्दप्रकरणी वसई-विरार डॉक्टर संघटनांनी नाराजी व्यक्त केली आहे. अनेक वर्षांपासून हे रुग्णालय  या परिसरात सुरू होते. जर रुग्णालयाला परवाना नव्हता तर पालिकेने आधी त्यांना परवानगी कशी दिली हा सवाल डॉक्टर संघटना विचारत आहेत. अनेक नर्सिग होम, रुग्णालये ही नागरी वस्तीत आहेत. अशा पद्धतीने कारवाईचा धसका आता या रुग्णालयांनी घेतला आहे.

Post a Comment

[facebook][blogger]
[blogger]

nagrikvarta

{facebook#YOUR_SOCIAL_PROFILE_URL} {twitter#YOUR_SOCIAL_PROFILE_URL} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL}

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget